لاہور: ٹی 20 ورلڈ کپ کے تیسرے میچ میں آئرلینڈ نے نیدر لینڈ کو7وکٹوں سے پچھاڑ دیا۔
107رنز کا ہدف آئرلینڈ کی کرکٹ ٹیم نے صرف3وکٹوں کے نقصان پر حاصل کرلیا۔
قبل ازیں ٹاس جیتنے پر نیدرلینڈ کے کپتان پیٹر سیلر کا کہنا تھا کہ وہ پہلے بیٹنگ کر کے اچھا سکور کرنا چاہتے ہیں تاکہ آئرش ٹیم پر دباو بڑھایا جا سکے، انہوں نے وکٹ کو بیٹنگ کیلئے سازگار قرار دیا۔
آئرلینڈ کے کپتان اینڈی بالبرنی نے کہا کہ وہ مخالف ٹیم کی جانب سے دیئے جانیوالے ٹارگٹ کے حصول کیلئے پرجوش ہیں، ہم 40 اوورز کھیلنے کیلئے پوری طرح تیار ہیں، امید ہے باولنگ سے ہی اچھا آغاز کریں گے۔
واضح رہے کہ شام سات بجے ایونٹ کا چوتھا میچ بھی اسی گراؤنڈ پر ہو گا جس میں گروپ اے ہی کی ٹیمیں سری لنکا اور نمیبیا میں جوڑ پڑے گا۔ دوہزار چودہ کے ٹی 20 ورلڈ چیمپئن سری لنکن کھلاڑیوں نے زبردست پرفارمنسز بلکہ جیت پر نظریں جما لی ہیں۔ چاروں ٹیموں نے سپر بارہ یعنی مین راؤنڈ میں رسائی پر نظریں جما لیں۔
