خیبر پختونخواہ کے ضلع ڈیرہ اسماعیل خان کے علاقے سگو روڈ پر نامعلوم افراد کی فائرنگ سے 5 کسٹم اہلکار جاں بحق ہو گئے ، جبکہ ایک بچی بھی دم توڑ گئی۔

ڈی آئی خان کے علاقے سگو رود پر نامعلوم ملزمان کی جانب سے فائرنگ کی گئی۔

فائرنگ کی زد میں آ کر 5 کسٹم اہلکار جاں بحق ہو گئے ہیں، فائرنگ کے زد میں آکر ایک بچی بھی جان سے گئی، جبکہ ایک راہ گیر بھی زخمی ہو گیا ہے۔

پولیس ذرائع کے مطابق کسٹم انٹیلیجنس کے اہلکار ڈی آئی خان کوئٹہ روڈ پر روٹین کی ڈیوٹی پر تھے کہ نامعلوم افراد کی جانب سے فائرنگ کی گئی فائرنگ کے بعد ملزمان فرار ہوگئے۔

پولیس کی جانب سے واقعے کے بعد تحقیقات کا آغاز کر دیا ہے۔

دوسری جانب وفاقی وزیرداخلہ نے کسٹم اہلکاروں پرفائرنگ کے واقعےکی مذمت کی۔

وزیر داخلہ محسن نقوی نے ڈی آئی خان واقعہ پر پر دکھ کا اظہار اور شہداء کے لواحقین سے دلی ہمدردی و اظہار تعزیت بھی کی ہیں۔

وزیر داخلہ کا کہنا تھا کہ غمزدہ خاندانوں کے دکھ میں برابر شریک ہے۔

اسلام آباد میں پی ٹی آئی بیرسٹر گوہر خان نے پریس کانفرس کی ۔ پریس کانفرنس کرتے ہوئے گوہر خان نے پارلیمنٹ کے مشترکہ اجلاس کے حوالے سے گفتگو کی ۔

گوہر خان نے پریس کانفرنس کے دوران آصف زردری کی تقریر کو21 توپوں کے احتجاج کی سلامی پیش کی۔ بیرسٹر گوہر خان نے کہا کہ ہم نے آصف علی زرداری کو مجبور کیا اور انہوں نے اپنی تقریر ادھوری چھوڑی۔

گوہر خان نے کہا کہ آج کا بھر پور احتجاج ہمارا حق تھا ، ہم آصف زرداری کو صدر کو نہیں مانتے، صدروزیراعظم پوری کابینہ ہی غیر قانونی ہے۔

پارلیمنٹ کے مشترکہ اجلاس کے بعد میڈیا سے گفتگو کرتے ہوئے چیئرمین پی ٹی آئی نے کہا کہ یہ لوگ عہدے بانٹتے ہیں لیکن ہم آئین اور قانون کے دائرے میں اپنی زمہ داری پوری کریں گے۔

قومی اسمبلی میں اپوزیشن لیڈر عمر ایوب نے میڈیا سے گفتگو میں کہا کہ آرٹیکل 41 کے تحت صدر ریپبلک کی نمائندگی کرتا ہے لیکن آصف علی زرداری نے بحیثیت صدر پیپلز پارٹی سے استعفیٰ نہیں دیا۔ میں نےبحثیت اپوزیشن لیڈرپوائنٹ ریزکرنےکی کوشش کی، قانون ہےکہ جب بھی اپوزیشن لیڈراٹھےاسےفلوردیاجائے لیکن ایوان میں غیر قانونی صدر مملکت نے خطاب کیا اور قانون کی دھجیاں اڑائیں۔

انہوں نے کہا کہ بطور صدر مملکت اپنے اختیارات پارلیمنٹ کو دیے، امید ہے ارکان پارلیمنٹ اپنے اختیارات کا دانش مندی سے استعمال کریں گے، ملک کو حالیہ سیاسی بحران سے نکالنے کی ضرورت ہے۔

پاکستان کے دورے پر آئے ہوئے ترکیہ کے چیف آف جنرل سٹاف جنرل متین گورک نے جی ایچ کیو میں آرمی چیف جنرل سید عاصم منیر سے ملاقات کی ۔

ملاقات میں باہمی اور پیشہ وارانہ دلچسپی کے امور سمیت، دفاعی تعاون، فوجی تربیت اور علاقائی امن و استحکام کو فروغ دینے کے لئے اٹھائے گئے اقدامات پر تبادلہ خیال کیا گیا ۔

آئی ایس پی آر کے مطابق پاکستان کے دورے پر آئے ہوئے ترکیہ کے چیف آف جنرل سٹاف جنرل متین گورک نے جی ایچ کیو میں آرمی چیف جنرل سید عاصم منیر سے ملاقات کی۔ ملاقات میں دونوں جانب سے مضبوط باہمی تعلقات کو سراہتے ہوئے دفاعی تعاون کو مزید وسعت دینے کا عزم کا اعادہ کیا گیا۔

آرمی چیف جنرل سید عاصم منیر نے مسلح افواج کے درمیان موجودہ فوجی تعاون کو مزید وسعت کی ضرورت پر زور دیا، جبکہ ترکیہ کے چیف آف جنرل سٹاف جنرل متین گورک نے علاقائی امن و استحکام کے لئے پاکستان کی کوششوں کی تعریف کی اور دہشت گردی سے نمٹنے میں پاک فوج کے کردار کو سراہا۔

قبل ازیں جی ایچ کیو پہنچنے پر ترک فوج کے چیف آف جنرل سٹاف نے یادگار شہدا پر پھول رکھے اور شہداء کو خراج عقیدت پیش کیا، پاک فوج کے چاق و چوبند دستے نے معزز مہمان کو گارڈ آف آنر پیش کیا۔

سابق وزیر صحت پنجاب یاسمین راشد کی طبیعت ناساز ہو گئی ۔

ذرائع کے مطابق یاسمین راشدکوسخت سیکیورٹی میں سروسزاسپتال لایاگیا، سابق وزیر صحت کا میڈیکل ایمرجنسی میں معائنہ کیاگیا۔

ذرائع کا کہنا ہے کہ یاسمین راشدکا معائنہ پلمونولوجی اورمیڈسن کےڈاکٹرزنے کیا

واضح رہے کہ یاسمین راشد کوسانس کی تکلیف اورکھانسی کی شکایت تھی ۔

جہلم ویلی میں گڑھی دوپٹہ کے نواحی علاقہ موئیاں کھکھیاں کے مقام پر مسافر وین کھائی میں گر گئی ، حادثہ میں 5 جاں بحق جبکہ 12 زخمی ہو گئے۔

ریسکیو حکام کے مطابق حادثے میں زخمی ہونے والوں میں چار کی حالت تشویشناک ہے، جاں بحق ہونے والوں میں ڈرائیور یعقوب اعوان، راجہ ارشاد، راجہ منظوم، نثار احمد اور حسنین قیوم شامل ہیں۔

اندھیرا اور بارش کی وجہ سے امدادی کارروائیوں میں مشکلات کا سامنا ہے ، جبکہ زخمیوں کو اسپتال منتقل کرنے میں بھی دشواری پیش آرہی ہے۔

ریسکیو 1122 سمیت پولیس اور انتظامیہ کی ٹیمیں جائے حادثہ پر موجود ہیں ۔ مسافر وین گڑھی دوپٹہ سےکائی منجہ جا رہی تھی ۔

چمن میں شین تالاب کےعلاقےمیں گاڑی پانی میں بہہ جانےسےچار افراد جاں بحق ہوگئے۔

جاں بحق افراد میں ایک بچہ اور تین خواتین شامل ہیں۔

ریسکیو حکام کے مطابق واقعے میں ایک بچہ بھی لاپتہ ہوا گیا ہے جس کی تلاش جاری ہے ۔

جاں بحق افراد کی لاشیں ڈی ایچ کیو اسپتال منتقل کردی گئی ہیں ۔