کراچی: پاکستان کی نامور ماڈل اور پروگرام ہوسٹ متھیرا نے اسکرپٹ رائٹر خلیل الرحمان قمر کو رات کی ملاقاتوں سے اجتناب کا مشورہ دے دیا۔

ایک تازہ انٹرویو میں متھیرا سے سوال کیا گیا کہ کیا وہ کسی پروجیکٹ کیلئے صبح چار بجے کسی سے ملاقات کیلئے باہر نکل سکتی ہیں۔

اس موقع پر ماڈل نے دلچسپ انداز اپناتے ہوئے کاہ کہ وہ کسی کے باپ کیلئے بھی رات 12 کے بعد باہر نہیں نکلیں گی۔

ان کا کہنا تھا کہ چاہے جتنا بھی بڑا پروجیکٹ ہو وہ اس کیلئے صبح کا انتظار کریں گی۔

متھیرا کا کہنا تھا کہ صبح کے چار بجے گرل فرینڈ کے گھر بھی نہیں جانا چاہئے اور یہ بہت بڑی بدتمیزی ہے۔

ماڈل کا مزید کہنا تھا کہ انہیں خلیل الرحمان قمر بطور فنکار پسند ہیں اور ان کے ساتھ جو غلط ہوا اس پر انہیں برا بھی لگا ہے۔

 ممبئی: بالی وڈ اداکارہ پرینیتی چوپڑا نے کہا ہے کہ ہمیں برے لوگوں کو زندگی سے باہر نکالنے میں بالکل ڈرنا نہیں چاہئے۔

اداکارہ نے انسٹاگرام پر اپنی ایک نئی ویڈیو شیئر کی ہے جس میں انہیں کشتی میں سفر کے دوران گہری سوچ میں دیکھا جاسکتا ہے۔

پرینیتی چوپڑا نے لکھا کہ غیر اہم لوگوں پر توجہ دینے کیلئے زندگی بہت تھوڑی ہے اور ہمیں اپنے ہم خیال لوگ تلاش کرنے چاہئیں۔

انہوں نے لکھا کہ دوسروں کو متاثر کرنے کیلئے جینا چھوڑ دیں اور دنیا کیا سوچے گی اس کی پروا نہ کریں بلکہ اپنی پسند سے زندگی گزاریں۔

اداکارہ نے مزید لکھا کہ اپنی زندگی کا ایک لمحہ بھی ضائع نہ کریں اور اگر آپ نے اپنی پسند سے زندگی نہ گزاری تو بعد میں بہت پچھتاوا ہوگا۔

 ممبئی: بالی ووڈ کی نامور ڈائریکٹر اور کوریو گرافر فرح خان اور فلمساز ساجد خان کی والدہ میناکا ایرانی 79 سال کی عُمر میں دُنیا سے کوچ کرگئیں۔

بھارتی اداکار و فلمی مبصر کمال راشد خان المعروف ‘کے آر کے’ نے سماجی رابطے کی ویب سائٹ ایکس (سابق ٹوئٹر) پر فرح خان اور اُن کی والدہ کی تصویر پوسٹ کی۔

کمال راشد خان نے اپنی پوسٹ میں افسوسناک خبر شیئر کرتے ہوئے کہا کہ فرح خان اور ساجد خان کی والدہ کا انتقال ہوگیا ہے۔

بھارتی میڈیا کے مطابق 79 سالہ میناکا ایرانی گزشتہ کافی عرصے سے بیمار تھیں اور اسپتال میں زیرِ علاج تھیں۔

فرح خان اور ساجد خان کے مداح اُن کی والدہ کے انتقال پر گہرے دُکھ کا اظہار کرتے ہوتے فلمساز بہن بھائی کی جوڑی کے لیے صبر کی دُعا کررہے ہیں۔

واضح رہے کہ 12 جولائی کو فرح خان نے اپنی والدہ کی سالگرہ کے موقع پر اپنے آفیشل انسٹاگرام ہینڈل پر خصوصی پوسٹ جاری کی تھی جس میں اُنہوں نے کہا تھا کہ ہم سب اپنی ماؤں کو قدر کی نگاہ سے دیکھتے ہیں۔

فرح خان کا کہنا تھا کہ مجھے گزشتہ مہینہ اس بات کا انکشاف ہوا کہ میں اپنی والدہ میناکا سے کتنا پیار کرتی ہوں، وہ میری زندگی کی اب تک کی سب سے مضبوط اور بہادر ترین شخصیت رہی ہیں۔

فلمساز کا کہنا تھا کہ میری والدہ ایک سے زیادہ سرجریوں کے بعد بھی اپنا خوشگوار مزاج برقرار رکھتی ہیں۔

اُنہوں نے والدہ کو سالگرہ کی مبارکباد دیتے ہوئے اُن سے اپنی محبت کا اظہار بھی کیا تھا۔

پاکستانی شوبز انڈسٹری کی معروف اداکارہ صنم سعید نے کہا ہے کہ اسکرین پر فواد خان اور ماہرہ خان کی جوڑی دیکھ کر جادو سا احساس ہوتا ہے جبکہ میرے اور فواد کے ساتھ ایسا نہیں ہوتا۔

حال ہی میں صنم سعید نے برطانوی نشریاتی ادارے ایشین نیٹ ورک کو دیے گئے انٹرویو میں فواد خان اور ماہرہ خان کی جوڑی کی تعریف کرتے ہوئے اُنہیں بہترین قرار دیا۔

صنم سعید نے کہا کہ جب فواد خان اور ماہرہ خان اسکرین پر ساتھ نظر آتے ہیں تو اُن کا رومانس دیکھ کر لوگوں کو جادو سا احساس ہوتا ہے، یہ دونوں محبت کے کرداروں میں ہی اچھے لگتے ہیں جبکہ میں فواد کے ساتھ اسکرین پر اچھی نہیں لگتی۔

اداکارہ نے کہا کہ ماہرہ خان اور فواد خان دونوں ہی خوبصورت ہیں، اسی وجہ سے اُن کی جوڑی بھی سب کو بےحد پسند آتی ہے جبکہ میرے لیے یہ لازمی نہیں کہ میں ہمیشہ فواد خان کے ساتھ محبت کے کردار میں ہی نظر آؤں۔

اُنہوں نے کہا کہ مجھے یقین نہیں آرہا ہے کہ میں اور فواد 12 سال بعد دوبارہ اسکرین پر ایک ساتھ کام کررہے ہیں، وقت اتنی تیزی سے گزر گیا کہ مجھے احساس ہی نہیں ہوا۔

صنم سعید نے مزید کہا کہ میں ایک اداکار ہوں اور مجھے ہر طرح کے کردار کرنے ہوتے ہیں تو میں دیکھنے والوں سے یہی کہنا چاہوں گی کہ ہر اداکار ہر بار محبت کے کردار میں نظر نہیں آسکتا۔

واضح رہے کہ صنم سعید اور فواد خان نے بھارتی ویب سیریز ‘برزخ’ کے ذریعے ایک ساتھ اسکرین پر واپسی کی ہے، اس سیریز کو گزشتہ ہفتے بھارتی اسٹریمنگ ویب سائٹ زی فائیو اور زندگی یوٹیوب چینل پر ریلیز کیا گیا تھا۔

‘برزخ’ میں فواد خان اور صنم سعید نے سوتیلے بہن بھائی کا کردار ادا کیا ہے، سیریز میں دونوں کی شاندار اداکاری کو پاکستان سمیت بھارتی مداحوں کی جانب سے بہت پسند کیا جارہا ہے۔

اس سے قبل سال 2012 میں فواد خان اور صنم سعید بلاک بسٹر ڈرامہ سیریل ‘زندگی گلزار ہے’ میں میاں بیوی کے کردار میں نظر آئے تھے۔