دنیا کے مشہور، مفت اور اوپن سورس انسائیکلوپیڈیا، وکی پیڈیا کا پہلا ایڈٹ شدہ صفحہ بطور این ایف ٹی 75 کروڑ ڈالر میں فروخت ہوا ہے۔
وکی پیڈیا کے شریک بانی جمی ویلس نے اسے نان فنجیبل ٹوکن (این ایف ٹی) کے طور پر فروخت کیا ہے۔ واضح رہے کہ جس طرح مصوری کے شاہکار اور قدیم نوادارت کی اصل کو مہنگے داموں فروخت کیا جاتا ہے، عین اسی طرح کسی پہلے کمپیوٹر کوڈ، کسی مشہور گرافک ڈیزائن یا پھر ڈجیٹ آرٹ کےنمونے کو مکمل طور پر حقِ ملکیت کے لیے ایک شخص کے ہاتھوں فروخت کردیا جاتا ہے۔
این ایف ٹی کی مارکیٹ گزشتہ ایک دو برسوں سے بہت تیزی سے بڑھ رہی ہے۔ لیکن اسے بلاک چین پر تشکیل دیا جاتا ہے جس کی کوئی کاپی نہیں ہوسکتی اور اصل حقوقِ ملکیت ایک ہی شخص کے پاس رہتے ہیں۔ پھر اس کی خریدوفروخت بھی بٹ کوائن اور ایتھریئم میں کی جاتی ہے۔ یہی وجہ ہے مصوری اور آرٹ کے نمونوں کو بطور این ایف ٹی کامیابی سے فروخت کیا جارہا ہے۔
اس ایڈٹ شدہ متن کے ساتھ اس کا کوڈ بھی فروخت کے لیے پیش کیا گیا ہے۔
