بھارت کے تاجر گوتم اڈانی نے مکیش امبانی کی جگہ لے لی

ممبئی: (ویب ڈیسک) بھارتی تاجر گوتم اڈانی نے بزنس ٹائیکون مکیش امبانی سے ایشیا کی امیر ترین شخصیت ہونے کا اعزاز چھین لیا۔
عالمی خبر رساں ادارے کے مطابق بھارت کے غیر معروف تاجر گوتم اڈانی اثاثوں میں مسلسل اضافے کے بعد ایشیا کے امیر ترین شخص بن گئے ہیں۔ اس سے پہلے یہ اعزاز بھارت کے ہی بزنس مین مکیش امبانی کے پاس تھا۔
ایک سال کے دوران گوتم اڈانی کی دولت میں 12 ارب ڈالرز کا اضافہ ہوا۔ان کے اثاثوں کی مالیت 88.5 ارب ڈالر تک پہنچ گئی ہے۔
وہ صرف ایشیا کے امیر ترین آدمی ہی نہیں بنے بلکہ دنیا کے 10 امیر ترین افراد کی فہرست میں بھی شامل ہو گئے ہیں۔
بھارتی ٹائیکون میکش امبانی اور فیس بک کے بانی مارک زکر برگ اس فہرست سے باہر ہوگئے۔
مکیش امبانی اس فہرست میں اب 11 ویں نمبر پر چلے گئے جب کہ مارک زکر برگ کا نمبر 13 واں ہے۔
بھارتی بزنس مین گوتم اڈانی کوئلہ کی کان کنی سے منسلک ہیں۔ وہ 2030 تک اپنی کمپنی کو ماحول دوست توانائی بنانے والی سب سے بڑی کمپنی بنانے کا ارادہ رکھتے ہیں۔