ماؤنٹ مونگنوئی: (ویب ڈیسک) آئی سی سی ویمن ورلڈکپ میں جنوبی افریقہ نے پاکستان کو 6رنز سے شکست دے دی، شاندار بولنگ پرفارمنس پر شبنم اسماعیل میچ کی بہترین کھلاڑی قرار دی گئیں۔
آئی سی سی ویمن ورلڈکپ میں پاکستان کو مسلسل تیسری شکست کا سامنا کرنا پڑگیا، جنوبی افریقہ نے سنسنی خیز مقابلے میں 6 رنز سے ہرا دیا۔ ماؤنٹ مونگنوئی میں کھیلے گئے میچ میں جنوبی افریقہ نے پہلے بیٹنگ کرتے ہوئے 223 رنز بنائے۔ ولوارڈٹ 75 اور سنی لوس 62 رنز کے ساتھ ٹاپ اسکورر رہیں، غلام فاطمہ اور فاطمہ ثنا نے 3،3 وکٹیں حاصل کیں۔
جوابی اننگز میں قومی ٹیم مقررہ اوورز میں 217 رنز ہی بنا سکی، عمیمہ سہیل کے 65 اور ندا ڈار کے 55 رنز بھی ٹیم کو شکست سے نہ بچا سکے، قومی خواتین ٹیم اگلا میچ 14 مارچ کو بنگلا یش کے خلاف کھیلے گی۔
ویمن ورلڈکپ، جنوبی افریقہ نے پاکستان کو 6 رنز سے شکست دے دی
