وہاڑی: سالانہ میلے میں نیزہ بازی کے جاندار مقابلے، شائقین کی بھرپور دلچسپی

وہاڑی: (ویب ڈیسک) وہاڑی کے نواحی علاقہ 24 ڈبلیو بی میں بابا شاہ ابراہیم کے سالانہ میلے میں نیزہ بازی کے شاندار مقابلے ہوئے جن میں نیزہ بازوں نے جاندار کھیل کا مظاہرہ کیا
پنجاب کے روایتی کھیل نیزہ بازی کا مقابلہ نواحی علاقہ 24 ڈبلیو بی میں بابا شاہ ابراہیمؒ کے سالانہ عرس پر ہوا جس میں نیزہ بازوں نے شاندار کھیل کا مظاہرہ کیا۔ میلے کے سرپرست اشتیاق سیال کا کہنا تھا کہ ہم ہر سال یہ میلہ کرواتے ہیں جس میں نیزہ بازی،گھڑ دوڑ،بیل دوڑ کے علاؤہ کبڈی کے کھیل بھی کھیلے جاتے ہیں جو ہمارے اجداد کی روایت ہیں۔
نیزہ باز سچل پیر زادہ کا کہنا تھا کہ یہ کھیل ہمارے بزرگوں کی طرف سے ہمیں ورثے میں ملا ہے اس کے لئے سارا سال محنت کرتے ہیں تاکہ اپنے شوق کے ساتھ عوام کو بھی محظوظ کرسکیں، میلے میں شاندار نیزہ بازی پر لوگوں نے خوب داد دی ۔