اسلام آباد: (ویب ڈیسک) وزیراعظم شہبازشریف نے کہا ہے کہ پاکستان اور قطر افغانستان میں امن کے فروغ کیلئےکام کرتےرہیں گے۔
تفصیلات کے مطابق شہبازشریف سے قطر کے سفیر شیخ سعودعبدالرحمان الثانی نے ملاقات کی جس میں سفیر نے وزیر اعظم منتخب ہونے پر قطری قیادت کا مبارکباد کا پیغام پہنچایا۔
قطری سفیر نے پاکستان کیساتھ تعلقات مزید گہرا کرنےکی قطری خواہش کا اعادہ کیا۔ وزیراعظم نےقطری قیادت کے تہنیتی پیغامات پر قطری سفیر کا شکریہ اداکیا۔
وزیراعظم نےتعلقات کی اہمیت کو اجاگر کیا اور مختلف شعبوں میں تعاون کے عزم کا اظہار کرتے ہوئے کہا کہ پاکستان اور قطر افغانستان میں امن کے فروغ کیلئےکام کرتےرہیں گے۔
وزیراعظم کا کہنا تھا کہ قطرخلیجی ممالک میں پاکستانیوں کی ایک بڑی آبادی کا گھر ہے پاکستان اور قطر میں مضبوط بنیادوں پر قریبی اور خوشگوار تعلقات ہیں۔
