نئے آرمی چیف کی تعیناتی قوائد و ضوابط کے مطابق کرینگے: وزیراعظم شہباز شریف

اسلام آباد: (ویب ڈیسک) وزیراعظم شہباز شریف نے کہا ہے کہ نئے آرمی چیف کی تعیناتی قوائد و ضوابط کے مطابق کرینگے۔
صحافیوں نے ملاقات کے دوران وزیراعظم نے کہا کہ عمران خان ملک کا دیوالیہ کر گئے ہیں۔ ہماری خواہش تھی پی ٹی آئی استعفے نہ دیتی، پی ٹی آئی استعفے دے چکی ہے، اب قوائد کے مطابق فیصلہ ہوگا۔ الیکشن ریفارمز پر بات کیلئے تحریک انصاف پارلیمنٹ میں آئے۔
شہباز شریف کا کہنا تھا کہ صحت مندانہ احتساب ضروری ہے ، سعودی عرب کے دورے کے دوران سعودی قیادت سے ملاقات ہوگی۔
وزیر اعظم کا یہ بھی کہنا تھا کہ امریکا سے دشمنی کسی صورت وارے میں نہیں جبکہ اگر افغانستان میں امن ہوگا تو پاکستان میں بھی امن ہوگا۔ قومی سلامتی کمیٹی کا اعلامیہ واضح تھا، اعلامیے کی پنچ لائن یہ تھی سازش نہیں ہوئی۔
شہباز شریف نے یہ بھی کہا کہ وزیر اعظم ہاؤس اب جمہوری ہاؤس بن گیا ہے، گزشتہ حکومت سے ورثے میں بہت کچھ ملا ہے۔ لوڈشیڈنگ کی وجہ صرف وقت پر ایندھن منگوانا تھا، آج 10 کلو آٹے کا تھیلا 400 روپے میں مل رہا ہے ، گزشتہ حکومت کام کرسکتی تھی، لیکن اس نے صرف شور مچایا۔ کوئی بھی قانون ہاتھ میں لے گا تو قانون اپنا راستہ اپنائے گا۔
انہوں نے مزید کہا کہ آرمی چیف کی تعیناتی قوائد و ضوابط کے مطابق کرینگے۔ لیٹر گیٹ پر کمیشن بنانے کا سوچ سکتے ہیں۔