دہلی: (ویب ڈیسک) بھارت میں صرف ڈاکٹر جیون ساتھی کی تلاش کے لیے بنائی گئی ویب سائٹ اس وقت تنقید کی شکار ہے جس پر پہلا الزام تو یہ ہے کہ وہ معاشرے میں ایک خاص گروہ (کلاس) کو فروغ دے رہی ہے۔
’میڈیکو لائف پارٹنر‘ نامی بھارتی ویب سائٹ کےمطابق ان کا مقصد یہ ہے کہ اگر میاں بیوی دونوں ڈاکٹر ہوں تو نہ صرف وہ بہتر جیون ساتھی ثابت ہوتے ہیں بلکہ اس سے ’اعلیٰ معیار کے جوڑے بن سکتے ہیں جو یکساں شعبے کےماہر بھی ہوں‘۔
ویب سائٹ کا دعویٰ ہے کہ ان کے پلیٹ فارم پر ہر مذہب، خطےاور برادری سے تعلق رکھنے والے خاتون اور مرد ڈاکٹروں کے رشتے موجود ہیں۔ تاہم یہ ویب سائٹ بھارت میں زیادہ مقبول ہیں کیونکہ اس پر سب سے بڑی تعداد میں بھارتی ڈاکٹر رجسٹر ہیں۔ تاہم رشتے کی تفصیلات پوسٹ کرنے کے لیے 49 سے 243 ڈالر فیس رکھی گئی ہے۔
تاہم اس ویب سائٹ پر کئی انداز سے تنقید کی جاری ہے۔ بعض صارفین نے لکھا ہے کہ شریکِ حیات کے لیے ہم پیشہ ہونا لازمی نہیں بلکہ باہمی احترام اور الفت ضروری ہے۔ اکثر افراد کا خیال ہے کہ بھارت میں پہلے ہی ڈاکٹر اور انجینیئر کے رشتوں کو ایک الگ اشرافیہ جماعت کی حیثیت دی جاتی ہے اور میڈیکو لائف پارٹنر اس آگ کو مزید ہوا دے گی۔
کئی صارفین نے الزام عائد کیا ہے کہ کل 21000 اکاؤنٹ میں سے کئی ایک جعلی ہیں اور ان کی تصدیق نہیں ہوپارہی۔
صرف ڈاکٹروں کے لیے مخصوص رشتے کی ویب سائٹ تنقید کی زد میں
