ٹورڈی فرانس، جونس وینگیگارڈ نے گیارہواں مرحلہ جیت لیا

پیرس: (ویب ڈیسک) ٹور ڈی فرانس سائیکل ریس کے گیارہویں مرحلے میں ڈنمارک کے جونس وینگیگارڈ نے کامیابی سمیٹ لی۔
سائیکلنگ سیزن کے سب سے بڑے ایونٹ ’’ٹور ڈی فرانس‘‘ کا گیارہواں مرحلہ بھی مکمل ہو گیا، پہاڑی سلسلے کے ایک سو باون کلومیٹر پر مشتمل فاصلے کو طے کرنے میں سب کو خوب جان لڑانا پڑی۔
جیت کے جذبے سے سرشار سائیکل سوار پرجوش نظر آئے، ڈینش رائیڈر جونس وینگیگارڈ نے سب کو پیچھے چھوڑ دیا، سڑک کنارے کھڑے پرستاروں نے شاندار کارکردگی اور کامیابی پر دل کھول کر داد دی۔