لاہور: (ویب ڈیسک) پاکستان کرکٹ ٹیم کے عبوری بیٹنگ کوچ محمد یوسف کی تقرری کا تعین سیریز با سیریز کرنے کا منصوبہ بنالیا۔
میڈیا رپورٹس کے مطابق قومی کرکٹ ٹیم کے سابق لیجنڈری بیٹر محمد یوسف کو قومی ٹیم کا مستقل طور پر بیٹنگ کوچ تعینات کردیا گیا ہے جبکہ انہیں نیشنل ہائی پرفارمنس سینٹر (این ایچ پی سی) کے عہدے سے فارغ کردیا ہے۔
بورڈ ذرائع کا کہنا ہے کہ این ایچ پی سی میں محمد یوسف کی تقرری اب بھی مستقل ہے اور اگر ضرورت پڑی تو وہ ایشیا کپ، ہالینڈ کے دورے اور انگلینڈ کے خلاف ہوم سیریز کے لیے ٹیم کا حصہ ہوں گے۔
دوسری جانب توقع کی جارہی ہے کہ رواں سال آسٹریلیا میں شیڈول ٹی20 ورلڈکپ کے لیے میتھیو ہیڈن کے ہمراہ قومی ٹیم کی پرفارمنس دیکھیں گے جبکہ چیئرمین پی سی بی رمیز راجہ پہلے ہی بیٹنگ کوچ کے حوالے سے تصدیق کر چکے ہیں۔
واضح رہے کہ محمد یوسف آسٹریلیا کے خلاف ہوم سیریز کے بعد سے کوچنگ پینل کا حصہ ہیں۔ وہ اس وقت سری لنکا میں پاکستانی ٹیسٹ ٹیم کے ساتھ ہیں، جہاں گال ٹیسٹ میں دو میچوں کی سیریز کے پہلے میچ میں میزبان ٹیم کے خلاف فتح حاصل کی۔
محمد یوسف کو بطور بیٹنگ کوچ سیریز با سیریز تعین کا منصوبہ
