شعیب اختر کے بیان نے مداحوں کو پریشانی میں مبتلا کردیا

لاہور: (ویب ڈیسک) پاکستانی کرکٹ ٹیم کے سابق فاسٹ باؤلر شعیب اختر کے سوشل میڈیا پر جاری بیان نے مداحوں کو پریشانی میں مبتلا کردیا۔
سماجی رابطے کی ویب سائٹ ٹویٹر پر راولپنڈی ایکسپریس کہلانے والے شعیب اختر نے ویڈیو شیئر کی اور ساتھ ہی ایک کیپشن بھی لکھا جسے پڑھ کر مداح تشویش میں مبتلا ہوگئے۔
انہوں نے لکھا کہ آسٹریلیا کی یہ خوبصورت صبح، خود کو چند روز میں چھری کے نیچے جانے کے لیے تیار کررہا ہوں۔ اس وقت تک سڈنی میں خوبصورت وقت گزار رہا ہوں، اس سے قبل بھی آسٹریلیا میں بہت اچھا وقت گزار چکا ہوں۔
سابق فاسٹ باؤلر کے ٹویٹ کے ساتھ ویڈیو بھی شیئر کی جسے دیکھنے کے بعد مداحوں کی پریشانی دور ہوگئی۔
شعیب اختر نے ویڈیو بیان میں طبیعت پوچھنے والے مداحوں کا شکریہ ادا کیا اور کہا کہ میری سرجری کے لیے دعا کریں امید ہے جلد ٹھیک ہوجاؤں گا۔
انہوں نے اپنی رہائشگاہ سے سڈنی شہر کا خوبصورت نظارہ کرواتے ہوئے کہا کہ صبح جلدی اٹھ گیا تھا اس لیے ویڈیو بنالی۔