دوسرا ون ڈے: نیدرلینڈز کا پاکستان کیخلاف ٹاس جیت کر بیٹنگ کا فیصلہ

روٹرڈیم : (ویب ڈیسک) پاکستان اور نیدرلینڈز کے درمیان دوسرے ایک روزہ میچ میں نیدرلینڈز نے ٹاس جیت کر بیٹنگ کا فیصلہ کیا ہے۔
روٹرڈیم میں کھیلے جانے والے دوسرے ون ڈے میں نیدرلینڈز کے کپتان اسکاٹ ایڈورڈز نے بابر اعظم کو فیلڈنگ کی دعوت دی۔
قومی کرکٹ ٹیم میں کوئی تبدیلی نہیں کی گئی جب کہ ٹیم کی قیادت بابر اعظم کررہے ہیں،نائب کپتان شاداب خان، امام الحق، فخر زمان، محمد رضوان اور سلمان علی آغا پلیئنگ الیون میں شامل ہیں۔
اس کے علاوہ خوشدل شاہ، محمد نواز، محمد وسیم، حارث رؤف اور نسیم شاہ بھی پلیئنگ الیون کا حصہ ہیں۔
خیال رہے کہ تین ایک روزہ میچز کی سیریز میں پاکستان کو 0-1 کی برتری حاصل ہے۔
پہلے ون ڈے میچ میں پاکستان نے نیدرلینڈز کو 16 رنز سے شکست دی تھی۔
پاکستان اور نیدرلینڈز کے درمیان آخری ایک روزہ میچ 21 اگست بروز اتوار کو کھیلا جائے گا۔