اسلام آباد : (ویب ڈیسک) مہنگائی کے ماری عوام کےلئے بری خبرآگئی، حکومت نے ایک مرتبہ پھر پٹرول بم گرا دیا۔
تفصیلات کے مطابق پٹرول کی فی لٹر قیمت2 روپے7پیسے اضافے کے بعد نئی قیمت 235 روپے 98 پیسےہوگئی، ڈیزل کی فی لٹر قیمت 2 روپے 99 پیسے اضافے کے بعد 247 روپے 43 پیسے مقررہوگئی، مٹی کا تیل 10 روپے 92 پیسےفی لٹرمہنگا ہوا ہے، نئی قیمت 210 روپے 32 پیسے ہوگئی، لائٹ ڈیزل کی فی لٹر قیمت 9 روپے 79 اضافے کے بعد 201 روپے 54 پیسے مقرر کر دی گئی ہے، وزارت خزانہ نے قیمتوں میں اضافے کا نوٹیفکیشن جاری کر دیا ہے، نئی قیمتوں کا اطلاق رات 12 بجے سے ہوگیا ہے۔
دوسری جانب مہنگائی کے ستائے شہری پٹرولیم مصنوعات کی قیمتوں میں اضافے کے خلاف پھٹ پڑے، اور کہا کہ حالیہ اضافہ آئی ایم ایف سے قسط وصولی کا تحفہ ہے۔
پٹرولیم مصنوعات کی قیمتوں میں حالیہ اضافے کے بعد مہنگائی کی نئی لہر آنے کا خدشہ ہے، جسے کنٹرول کرنا حکومت کی بنیادی ذمہ داری ہے۔
یاد رہے کہ آئل اینڈ گیس ریگولیٹری اتھارٹی (اوگرا) نے پیٹرول کی فی لیٹر قیمت میں 16 روپے کمی جبکہ ڈیزل کی قیمت میں 89 پیسے کمی کی سفارش کی تھی، جسے حکومت نے مسترد کردیا۔
پٹرولیم مصنوعات کی قیمتوں میں پھر اضافہ ، پٹرول 2 روپے 7 پیسے مہنگا
