شارجہ: (ویب ڈیسک) ایشیا کپ سپر مرحلے کے پہلے میچ میں افغان بیٹر رحمان اللہ گرباز سری لنکن بولرز پر قہر بن کر ٹوٹ پڑے اور ٹی ٹوئنٹی کی بہترین اننگز کھیل ڈالی۔
تفصیلات کے مطابق شارجہ کرکٹ اسٹیڈیم میں کھیلے جارہے سپر فور مرحلے کے پہلے میچ میں سری لنکن کپتان دسون شاناکا نے ٹاس جیتا اور افغانستان کو بلے بیٹنگ کی دعوت دی۔
افغان اوپنر بیٹر رحمان اللہ گرباز میچ کے آغاز سے ہی جارحانہ موڈ میں نظر آئے، جنہوں نے سری لنکا کے کسی بولر کو نہ بخشا، افغان بیٹرز نے 45 گیندوں پر 84 رنز کی انتہائی دلکش اننگز کھیلی، جس میں چار چوکے اور چھ چھکے شامل تھے۔
ابراہیم زردان بھی 40 رنز کے ساتھ نمایاں رہے، نجیب اللہ زردان 17، اوپنر بیٹر حضرت اللہ زازئی 13 رنز بناسکے۔
سری لنکا کی جانب سے دلشان مدوشنکا نے دو کھلاڑیوں کو آؤٹ کیا، مہیش تھیکشنا اور آسیتھا فرنینڈو کے حصے میں ایک ایک وکٹ آئی۔
افغانستان نے مقررہ 20 اوورز میں 5 وکٹوں کے نقصان پر 175 رنز بنائے اور سری لنکا کو جیت کے لئے 176 رنز کا ہدف دیا۔
ایشیا کپ میں سپر فور: افغانستان کا سری لنکا کو 176 رنز کا ہدف
