شارجہ : (ویب ڈیسک) ایشیا کپ ٹی ٹوئنٹی کے سپر فور مرحلے میں آج پاکستان اور افغانستان کا مقابلہ ہو گا۔
پاکستان اور افغانستان کے درمیان میچ پاکستانی وقت کے مطابق شام 7 بجے شروع ہوگا۔ میچ شارجہ میں کھیلا جائے گا۔
پی سی بی کے مطابق قومی وکٹ کیپر بیٹر محمد رضوان کی ایم آر آئی رپورٹ درست آنے پر وہ آج میچ میں شرکت کریں گے۔
پاکستان سپر فور مرحلے میں بھارت کے خلاف اپنا پہلا جیت چکی ہے جبکہ افغانستان کو اپنے پہلے میچ سری لنکا کے ہاتھوں شکست ہو ئی تھی۔
آج میچ جیتنے کی صورت میں پاکستان فائنل میں کوالیفائی کر جائے گا اور اس کے ساتھ ہی بھارت اور افغانستان دونوں ایونٹ سے باہر ہو جائیں گے۔
واضح رہے کہ گزشتہ روز بھارت کو سری لنکا نے6 وکٹوں سے شکست دی تھی جس کے بعد بھارت کے فائنل میں پہنچنے کے چانسز کم ہو گئے ہیں۔ لیکن اگر پاکستان آج کا میچ ہار جائے تو بھارت کے لیے اگر مگر کو صورتحال برقرار رہے گی۔
ایشیا کپ کے سپر فور مرحلے میں سری لنکا دو میچز جیت کر چار پوائنٹس کے ساتھ پہلی، پاکستان ایک میچ جیت کر دو پوائنٹس کے ساتھ دوسری پوزیشن پر ہے۔
بھارت نے دو میچز کھیل کر دونوں ہارے دیے جس کے باعث اسکا کوئی پوائنٹ نہیں ہے۔افغانستان نے بھی ایک میچ کھیلا اور اس میں ناکام ہوا۔
