کھٹمنڈو: (ویب ڈیسک) پاکستان ویمنز فٹبال ٹیم نے 8 سال بعد پہلی فتح حاصل کرلی، نیپال میں جاری ساف چیمپئن شپ میں مالدیپ کو 0-7 سے زیر کر لیا۔
کھٹمنڈو میں کھیلے جانے والے میچ میں پاکستان ٹیم نے ابتدا سے ہی تابڑ توڑ حملے کئے مگر حریف ڈیفینڈرز کسی نہ کسی طور ان کو ٹالتی رہیں، بالآخر رامین فرید 39ویں منٹ میں پہلا گول داغنے میں کامیاب ہوگئیں، 9 منٹ بعد خدیجہ کاظمی نے برتری دگنا کر دی، نادیہ خان مالدیپ کا دفاع پاش پاش کرتے ہوئے 53 ویں، 78 ویں اور 84 ویں منٹ میں گولز کے ساتھ ہیٹ ٹرک مکمل کرنے کے بعد 89 ویں منٹ میں ایک بار پھر سکور کرنے میں کامیاب ہوگئیں۔
اضافی وقت میں انمول ہیرا نے بال کو جال کی راہ دکھا دی، نادیہ خان پاکستان کی جانب سے کسی بھی انٹرنیشنل میچ میں 4 گول سکور کرنے والی پہلی پلیئر بن گئی ہیں۔
نادیہ خان کے 4 گول، پاکستان ویمنز فٹبال ٹیم کی 8 سال بعد پہلی فتح
