لاہور: (ویب ڈیسک) پاکستان اور انگلینڈ کی کرکٹ ٹیموں کے درمیان ٹی 20 انٹرنیشنل میچز پر مشتمل سیریز کا آغاز 20 ستمبر کو کراچی سے ہوگا جبکہ مہمان برطانوی ٹیم 15 ستمبر کو پہنچے گا۔
سیریز کے ابتدائی چار میچز20، 22، 23 اور 25 ستمبر کو نیشنل سٹیڈیم کراچی میں کھیلے جائیں گے جبکہ 28، 30 ستمبر اور 2 اکتوبر کو شیڈول میچز قذافی سٹیڈیم لاہور میں کھیلے جائیں گے۔
ترجمان پی سی بی کے مطابق انگلینڈ کی ٹیم جمعرات کی صبح پاکستان پہنچے گی، دونوں ٹیموں کا نیشنل سٹیڈیم کراچی میں ٹریننگ سیشن 17ستمبر کو ہو گا۔
دونوں ٹیموں کے مابین پہلا ٹی 20 انٹرنیشنل میچ 20 ستمبر کو ہو گا، 22 اور 23 ستمبر کو دونوں ٹیموں کے مابین بالترتیب دوسرا اور تیسرا ٹی 20 انٹرنیشنل میچ کھیلا جائے گا، دونوں ٹیموں کے مابین چوتھا میچ 25 ستمبر کو کھیلا جائے گا۔
پاک برطانیہ ٹی 20 سیریز کا 20 ستمبر سے آغاز، مہمان ٹیم کی جمعرات کو آمد
