ٹی ٹوئنٹی ورلڈکپ کے لیے پاکستان اسکواڈ کا اعلان کل ہوگا

لاہور: (ویب ڈیسک) انٹرنیشنل کرکٹ کونسل (آئی سی سی ) کے تحت مینز ٹی ٹوئنٹی ورلڈکپ کے لیے پاکستان اسکواڈ کا اعلان کل ہوگا۔
پاکستان کرکٹ بورڈ نے اعلان کیا ہے کہ انگلینڈ کے خلاف سات ٹی ٹوئنٹی انٹرنیشنل میچز، نیوزی لینڈ میں کھیلی جانے والی سہ فریقی سیریز اور آئی سی سی مینز ٹی ٹوئنٹی ورلڈکپ کے لیے پاکستان کے اسکواڈ کا اعلان جمعرات کی سہ پہر 4:30 بجے بذریعہ پریس کانفرنس کیا جائے گا۔
قومی کرکٹ ٹیم کے چیف سلیکٹر محمد وسیم 15 ستمبر بروز جمعرات قذافی اسٹیڈیم میں پریس کانفرنس کریں گے۔ پی سی بی اس میڈیا کانفرنس کی ڈیجٹل کوریج کرے گا تاہم ویڈیو گرافرز کو ایونٹ کی کوریج کی اجازت ہوگی۔