کراچی: (ویب ڈیسک) جرائم پیشہ افرار کے خلاف کراچی پولیس کی کارروائیاں جاری ہیں، مختلف علاقوں میں مبینہ پولیس مقابلوں کے دوران 8 ملزمان کو گرفتار کرلیا گیا، جبکہ کورنگی زمان ٹاؤن میں 12 سالہ بچی کی مبینہ خود کشی کا مقدمہ درج کرلیا گیا ہے۔
کراچی کے علاقے میں سولجر بازار میں اے وی ایل سی پولیس کے چھاپے کے دوران ملزمان نے فائرنگ کردی، مبینہ پولیس مقابلے کے دوران زخمی سمیت 2 ملزمان کو گرفتار کرلیا گیا، گلشن اقبال اردو یونیورسٹی کے قریب مبینہ پولیس مقابلے کے دوران 2 ڈاکو زخمی حالت میں دھر لئے گئے، ملزمان کی شناخت قائد اعظم اور مسعود کے ناموں سے کرلی گئی۔
گلشن اقبال سفاری پارک کے قریب شاہین فورس نے مقابلے کے بعد ایک ڈاکو کو گرفتار کرلیا، ادھر ملیر شعبہ تفتیش نے ساہیوال میں کارروائی کر کے بہنوئی کے قتل میں ملوث 3 سگے بھائیوں کو گرفتار کرلیا، ملزمان نے بہن سے پسند کی شادی کرنے پر واردات کی تھی۔
دوسری جانب کورنگی زمان ٹاؤن میں 12 سالہ بچی کی مبینہ خودکشی کا مقدمہ درج والد کی مدیعت میں درج کرلیا گیا، والد کے بیان کے مطابق بچی کو مبینہ طور پر زیادتی کا نشانہ بھی بنایا گیا تھا، پولیس نے مقدمہ درج کرنے کے بعد واقعے کی مزید تفتیش شروع کردی ہے۔
کراچی پولیس کی کارروائیاں، مبینہ پولیس مقابلوں میں 8 ملزمان گرفتار
