انڈونیشیا کا جزیرہ جاوا زلزلے سے لرز اٹھا، شدت 6.7 ریکارڈ

جکارتہ (ویب ڈیسک)انڈونیشیا کا جزیرہ جاوا ایک بار پھر زلزلے سے لرز اٹھا ریکٹر اسکیل پر شدت 6.7 ریکارڈ ہوئی۔
غیر ملکی میڈیا کے مطابق جزیرہ جاوا میں آنیوالے زلزلے کے جھٹکے اس قدر شدید تھے کہ عمارتوں اور گاڑیوں کے شیشے ٹوٹ گئے، جب کہ عوام میں خوف و ہراس پھیل گیا اور بھگڈر مچ گئی۔
یورپی زلزلہ پیمامرکز کے مطابق زلزلے کے جھٹکے دارالحکومت جکارتہ میں بھی محسوس کیے گئے، جب کہ مغربی جزیرے جاوا میں آنے والے زلزلے کی گہرائی 118 کلومیٹر تھی۔
خبرایجنسی کے مطابق زلزلے کے بعد فوری طور کسی نقصان کی اطلاعات نہیں ہوئیں، تاہم گزشتہ ماہ جاوا میں زلزلے سے 327 افراد جان سے گئے تھے، سیکڑوں زخمی اور ہزاروں عمارتیں تباہ ہوگئی تھیں۔