نیویارک: (ویب ڈیسک) ہالی ووڈ میں ریکارڈ بزنس کرنے والی سائنس فکشن فلم اواتار کا سیکول اواتار: دی وے آف واٹر نے ریلیز ہوتے ہی پہلے ہفتے میں 400 ملین ڈالرز کا ریکارڈ بزنس کرلیا۔
غیر ملکی میڈیا کے مطابق جیمز کیمرون کی 2009 کی بلاک بسٹر فلم کے اس سیکوئل کا شائقین کو لمبے عرصے سے انتظار تھا 13 سال بعد ریلیز کئے گئے فلم کے سیکوئل میں جدید ٹیکنالوجی کا استعمال کیا گیا ہے۔
اواتار: دی وے آف واٹر نے پچھلے پانچ ہفتوں تک باکس آفس پر سرِفہرست رہنے والے ڈزنی مارول پاور ہاؤس کےسیکوئل ’بلیک پینتھر: واکانڈا فار ایور‘ کو بھی پیچھے چھوڑ دیا ہے۔
فرنچائز انٹرٹینمنٹ ریسرچ کے ڈیوڈ اے گراس کا کہنا ہے کہ توقعات ایک طرف لیکن یہ شاندار ہے۔ تعطیلات کے دوران اس کی نمائش کامیاب رہی۔
توقع کی جارہی ہے کہ 2009 کی اواتار کی طرح اواتار کا سیکوئل بھی ہالی ووڈ میں سب سے زیادہ کمائی کرنے والی فرنچائز میں شامل ہوجائے گا یہ فلم کووڈ کے بعد سب سے زیادہ بزنس کرنے والی فلم کا ٹائٹل اپنے نام کر چکی ہے۔
