انٹربینک میں ڈالر مہنگا، سٹاک مارکیٹ میں مندی

کراچی: (ویب ڈیسک) امریکی ڈالر کے اتار چڑھاؤ کا سلسلہ جاری، پاکستانی روپیہ اپنی قدر بہتر نہیں کر سکا۔
کاروباری ہفتے کے دوسرے روز آج صبح کاروبار کے آغاز میں امریکی ڈالر مہنگا ہوا ہے، انٹربینک میں ڈالر 2 روپے 8 پیسے مہنگا ہونے کے بعد 262 روپے پر ٹریڈ کر رہا ہے۔
یاد رہے کہ گزشتہ روز انٹربینک میں ڈالر 259 روپے 92 پیسے پر بند ہوا تھا۔
دوسری جانب پاکستان اسٹاک ایکسچینج میں آج کاروبار کا منفی آغاز ہوا ہے، پاکستان اسٹاک ایکسچینج کا 100 انڈیکس 37 پوائنٹس کم ہونے کے بعد 40 ہزار 747 پر آ گیا ہے۔
گزشتہ روز 100 انڈیکس 40 ہزار 784 پوائنٹس پر بند ہوا تھا۔