احتجاج کرنے والے 300 سی اے اے ملازمین نوکری سے برطرف

کراچی: (ویب ڈیسک) سول ایوی ایشن (سی اے اے) کے ملازمین کو احتجاج کرنا مہنگا پڑ گیا، 300 ملازمین کو نوکری سے برطرف کر دیا گیا۔
واضح رہے کہ سول ایوی ایشن کے ملازمین نے ایک ماہ تک کراچی سمیت دیگر ایئرپورٹس پر احتجاج کیا تھا، جس کے بعد کراچی میں ریٹینرشپ پر کام کرنے والے 300 ملازمین کو ملازمت سے برطرف کر دیا گیا ہے۔
فارغ کئے گئے ملازمین کا تعلق سول ایوی ایشن اتھارٹی کے شعبہ جینیٹوریل سے ہے۔
ملازمت سے برطرف کرنے کی ہدایت ڈی جی سول ایوی ایشن اتھارٹی نے دی، ہدایت ملتے ہی ملازمین کو برطرف کرنے نوٹیفکیشن بھی جاری کر دیا گیا ہے۔