ڈالر کی قیمت میں اچانک کمی، سٹاک ایکسچینج میں بھی مثبت رجحان

کراچی: (ویب ڈیسک) انٹربینک میں امریکی کرنسی کی قیمت میں اچانک کمی واقع ہوئی ہے۔
کاروباری ہفتے کے آخری روز انٹربینک میں ڈالر کی قیمت میں 17 پیسے کمی ہوئی جس کے بعد انٹر بینک میں امریکی کرنسی 283 روپے 75 پیسے پر ٹریڈ کر رہی ہے۔
یاد رہے کہ گزشتہ روز انٹربینک میں ڈالر 283 روپے 92 پیسے پر بند ہوا تھا۔
دوسری جانب پاکستان اسٹاک ایکسچینج میں آج کاروبار کا مثبت رجحان سامنے آیا، پاکستان اسٹاک ایکسچینج کا 100 انڈیکس 190 پوائنٹس کے اضافے سے 41 ہزار 653 پر آ گیا۔
واضح رہے کہ گزشتہ روز 100 انڈیکس 41 ہزار 463 پوائنٹس پر بند ہوا تھا۔