سونے اور چاندی کی قیمتوں میں نمایاں اضافہ

بین الاقوامی بلین مارکیٹ میں فی اونس سونے کی قیمت 30 ڈالر کے اضافے سے 5 ہزار 138 ڈالر کی سطح پر پہنچ گئی۔

عالمی مارکیٹ میں اضافے سے ملک میں فی تولہ سونے کی قیمت 3 ہزار روپے بڑھ کر 5 لاکھ 34 ہزار 562 روپے ہو گئی، اسی طرح فی دس گرام سونے کی قیمت 2 ہزار 572 روپے اضافے کے بعد 4 لاکھ 60 ہزار 015 روپے کی سطح پر پہنچ گئی۔

دوسری جانب چاندی کی قیمتوں میں بھی اضافہ ریکارڈ کیا گیا، فی تولہ چاندی 146 روپے مہنگی ہو کر 9 ہزار 094 روپے کی سطح پر آگئی جبکہ فی دس گرام چاندی کی قیمت 125 روپے اضافے سے 7 ہزار 796 روپے ہو گئی۔