کوئٹہ میں چمن پھاٹک کے قریب ٹرین کے پاس خودکش حملہ، 14 افراد شہید اور 20 زخمی
کوئٹہ میں چمن پھاٹک کے قریب ایک افسوسناک خودکش حملے میں 14 افراد شہید جبکہ 20 سے زائد زخمی ہو گئے ہیں۔ ابتدائی اطلاعات کے مطابق دھماکہ اس وقت ہوا جب ایک مسافر ٹرین علاقے سے گزر رہی تھی۔
سیکیورٹی ذرائع کے مطابق دھماکے کے فوراً بعد امدادی ٹیمیں اور قانون نافذ کرنے والے ادارے موقع پر پہنچ گئے اور علاقے کو گھیرے میں لے لیا گیا ہے۔ زخمیوں کو قریبی اسپتالوں میں منتقل کیا جا رہا ہے جہاں ایمرجنسی نافذ کر دی گئی ہے۔
حکام نے واقعے کی تحقیقات شروع کر دی ہیں جبکہ حملے کی نوعیت اور ذمہ دار عناصر کا تعین کیا جا رہا ہے۔
