ایک نئی تحقیق میں انکشاف ہوا ہے کہ دنیا کا سب سے بڑا بچھو تقریباً 41 کروڑ 50 لاکھ سال پہلے برطانیہ میں پایا جاتا تھا۔
مانچسٹر یونیورسٹی کی تحقیق کے مطابق پرائرکٹورس گیگاس نامی یہ بچھو تقریباً 1 میٹر لمبا تھا جب کہ اس کے پنجوں کی لمبائی تقریباََ 16 سینٹی میٹر تھی۔
محققین کا کہنا ہے کہ جب زمین پر زندگی ابھی نسبتاً ابتدائی مراحل میں تھی اور یہاں پر چھوٹے کیڑے مکوڑوں کا غلبہ تھا تب یہ بچھو سیلابی میدانوں میں رہا کرتا تھا۔
محققین کے مطابق یہ نئی دریافت پیچیدہ زمینی ماحولیاتی نظام، جیسے کہ جنگلات کے ظہور سے بہت پہلے کیڑے مکوڑوں کی ارتقائی تاریخ میں نئے پہلو و حقائق پیش کرتی ہے۔
