پاکستان بھر میں مون سون بارشوں کے دوسرے اسپیل کی پیش گوئی
محکمہ موسمیات (پی ایم ڈی) نے ملک بھر میں مون سون بارشوں کے دوسرے اسپیل کی پیش گوئی کرتے ہوئے مختلف علاقوں میں بارش، آندھی اور گرج چمک کے ساتھ تیز ہواؤں کا امکان ظاہر کیا ہے۔ محکمہ کے مطابق بحیرہ عرب سے مرطوب ہوائیں ملک کے بالائی علاقوں میں داخل ہو رہی ہیں جبکہ خلیجِ بنگال سے نمی کا نیا سلسلہ بھی شمال مشرقی علاقوں تک پہنچنے کی توقع ہے۔ اس کے ساتھ مغربی ہواؤں کا ایک نیا سلسلہ بھی آئندہ چند گھنٹوں میں ملک کے بالائی حصوں پر اثر انداز ہوگا۔
