روس نے پنجاب کے آلوؤں پر پابندی ختم کردی، 101 پاکستانی برآمد کنندگان کو اجازت
روس نے پنجاب سے آلو کی درآمد پر عائد پابندی ختم کرتے ہوئے 101 پاکستانی برآمد کنندگان کو دوبارہ روسی منڈی میں برآمدات کی اجازت دے دی ہے۔ یہ فیصلہ پاکستان کے پلانٹ پروٹیکشن سسٹم اور فائیٹو سینیٹری (پودوں کی صحت) اقدامات کا جائزہ لینے کے بعد کیا گیا۔
پاکستان کے تجارتی مشن ماسکو کے مطابق، روسی حکام نے 7 جولائی سے پنجاب کے آلوؤں کی درآمد بحال کرنے کی منظوری دے دی ہے۔ اس فیصلے کی باضابطہ اطلاع پاکستان کی وزارتِ قومی غذائی تحفظ و تحقیق کو بھی دے دی گئی۔
