برطانیہ کی حکومت نے خبردار کیا ہے کہ اگر پاکستان سزا یافتہ گرومنگ گینگ کے سرغنہ شبیر احمد، جنہیں "ڈیڈی” کے نام سے بھی جانا جاتا ہے، کی ملک بدری قبول نہیں کرتا تو اسے ویزا پابندیوں کا سامنا کرنا پڑ سکتا ہے۔ یہ پیش رفت ایسے وقت میں سامنے آئی ہے جب برطانوی حکومت ایک دہائیوں پرانے قانون میں تبدیلی کی کوشش کر رہی ہے، جس کے باعث احمد کو برطانیہ سے نکالا نہیں جا سکا۔
شبیر احمد 13 سال کی عمر میں پاکستان سے برطانیہ منتقل ہوئے تھے اور وہاں 62 سال گزار چکے ہیں۔ انہیں رواں ماہ کے آغاز میں جیل سے رہا کیا گیا تھا۔
