لاہور: وفاقی وزیر اطلاعات و نشریات عطا اللہ تارڑ نے کہا ہے کہ ان کی گاڑی پر فائرنگ کا واقعہ اس وقت پیش آیا جب وہ اپنے اہلِ خانہ کے ساتھ سفر کر رہے تھے۔
نجی ٹی وی سے گفتگو کرتے ہوئے عطا تارڑ نے بتایا کہ ایک گاڑی نے اچانک بائیں جانب سے ان کی گاڑی کا راستہ کاٹا، جس کے بعد ایک نوجوان گاڑی سے نکلا اور ان کی گاڑی کی جانب پانچ فائر کیے۔
انہوں نے کہا کہ واقعے کے وقت ان کے اہلِ خانہ بھی گاڑی میں موجود تھے، تاہم خوش قسمتی سے وہ اور ان کے خاندان کے تمام افراد محفوظ رہے اور کسی کو کوئی نقصان نہیں پہنچا۔
عطا تارڑ کے مطابق واقعے کے فوراً بعد پولیس اور قانون نافذ کرنے والے اداروں نے کارروائی شروع کی اور ملزم کو گرفتار کر لیا گیا۔ ملزم کے قبضے سے اسلحہ بھی برآمد کر لیا گیا ہے۔
