پیٹرول ڈیلرز کی روزانہ قیمتوں کے نظام کی حمایت، 8 فیصد مارجن بڑھانے کا مطالبہ
پاکستان پیٹرولیم ڈیلرز ایسوسی ایشن (PPDA) نے حکومت کے پیٹرولیم مصنوعات کی قیمتیں روزانہ مقرر کرنے کے مجوزہ نظام کی حمایت کر دی ہے، تاہم ڈیلرز نے اپنے منافع (مارجن) میں اضافہ کر کے اسے 8 فیصد کرنے کا مطالبہ کیا ہے۔
اسلام آباد میں پیٹرولیم وزیر علی پرویز ملک سے ملاقات کے دوران PPDA کے وفد نے روزانہ قیمتوں کے نئے طریقہ کار پر اپنی حمایت کا اظہار کیا۔ وفد کی قیادت ایسوسی ایشن کے چیف ایڈوائزر ملک خدا بخش نے کی۔
وفاقی وزیر نے وفد کو بتایا کہ حکومت ہفتہ وار قیمتوں کے نظام سے روزانہ قیمتوں کے نظام کی طرف منتقل ہونے کا منصوبہ بنا رہی ہے، جس کے تحت عالمی منڈی میں تیل کی قیمتوں کے 7 روزہ اوسط کی بنیاد پر روزانہ قیمتوں کا تعین کیا جائے گا۔ حکومت کا کہنا ہے کہ اس اقدام سے قیمتوں میں شفافیت آئے گی اور ذخیرہ اندوزی و مارکیٹ میں ہیرا پھیری کے امکانات کم ہوں گے۔
