پاکستان میں سونے کی قیمت میں مزید اضافہ ہوگیا، فی تولہ سونا 2,200 روپے مہنگا ہو کر 4 لاکھ 56 ہزار 536 روپے کا ہوگیا۔ آل پاکستان جیمز اینڈ جیولرز صرافہ ایسوسی ایشن کے مطابق 10 گرام سونے کی قیمت بھی 1,887 روپے اضافے سے 3 لاکھ 91 ہزار 406 روپے ہوگئی۔
سونے کی قیمت میں یہ اضافہ مسلسل دوسرے روز بھی جاری رہا، اس سے ایک روز قبل فی تولہ سونے کی قیمت میں 5,100 روپے کا اضافہ ریکارڈ کیا گیا تھا۔
عالمی مارکیٹ میں بھی سونے کی قیمت 22 ڈالر اضافے سے 4,341 ڈالر فی اونس ہوگئی، جس میں 20 ڈالر کا پریمیم بھی شامل ہے۔
دوسری جانب پاکستان میں چاندی کی قیمت میں کمی ہوئی اور فی تولہ چاندی 113 روپے سستی ہو کر 6,826 روپے کی ہوگئی۔
