پنجاب فوڈ اتھارٹی (PFA) پنجاب بھر کے ریسٹورنٹس اور کھانے پینے کے مراکز کے لیے نیا اسٹار ریٹنگ پروگرام متعارف کرانے جا رہی ہے۔ اس نظام کے تحت ریسٹورنٹس کو کھانے کے معیار، صفائی اور فوڈ سیفٹی کے اصولوں کی بنیاد پر ریٹنگ دی جائے گی۔
ریٹنگ کا مقصد صارفین کو ریسٹورنٹ کا انتخاب کرتے وقت بہتر فیصلہ کرنے میں مدد دینا ہے۔ واضح اسٹار ریٹنگز سے ریسٹورنٹس کو صفائی، حفظانِ صحت اور کھانے کے معیار کو بہتر بنانے کی ترغیب بھی ملے گی۔
یہ پروگرام پنجاب کی فوڈ انڈسٹری میں شفافیت اور جوابدہی بڑھانے میں بھی مددگار ثابت ہوسکتا ہے، جس سے صارفین کو مختلف ریسٹورنٹس کے معیار کے بارے میں واضح معلومات دستیاب ہوں گی۔
