پاکستان سعودی عرب کی قیادت میں قائم کثیر ملکی بحری دفاعی اتحاد کا پہلا ڈپٹی کمانڈر فراہم کرے گا۔ اتحاد اپنے کمانڈ ڈھانچے کو فعال کرکے آپریشنل سرگرمیوں کی تیاری کر رہا ہے۔
جدہ میں ہونے والے تیسرے منصوبہ بندی اجلاس میں 39 ممالک کے نمائندوں نے شرکت کی۔ اتحاد کی توجہ بحیرہ احمر، آبنائے باب المندب اور خلیج عدن میں بحری سلامتی اور دفاع کو مضبوط بنانے پر مرکوز ہوگی۔
سعودی ریئر ایڈمرل عبداللہ بن سالم الشہری کو اتحاد کا کمانڈر مقرر کیا گیا ہے، جبکہ رکن ممالک اپنے افسران اور اہلکاروں کو کمانڈ، میری ٹائم اور انٹیلی جنس شعبوں میں تعینات کرنے کی تیاری کر رہے ہیں۔
اتحاد نے اپنا ہیڈکوارٹر اور باضابطہ لوگو مقرر کرنے کے ساتھ تنظیمی و منصوبہ بندی کا فریم ورک بھی مکمل کر لیا ہے۔ اب تک 15 ممالک مشترکہ اعلامیے پر دستخط کر چکے ہیں، جبکہ 13 ممالک نے باضابطہ رکنیت کے لیے ضروری کارروائی مکمل کرلی ہے۔
