پاکستان پیٹرولیم لمیٹڈ (PPL) نے سندھ کے ضلع سجاول میں ڈولفن ایکس-1 ایکسپلوریشن کنویں سے گیس کے نئے ذخیرے کی دریافت کا اعلان کیا ہے۔ 3,850 میٹر گہرائی تک کھودے گئے کنویں سے ایسڈ اسٹریمولیشن کے بعد تقریباً 0.942 ملین اسٹینڈرڈ کیوبک فٹ گیس یومیہ حاصل ہوئی۔
پی پی ایل کے مطابق یہ دریافت علاقے میں پیٹرولیم سسٹم کی موجودگی کی تصدیق کرتی ہے اور دلدلی ساحلی علاقوں سمیت قریبی کم گہرے سمندری علاقوں میں مزید تیل و گیس کی تلاش کے نئے مواقع پیدا کر سکتی ہے۔
