سکھ علیحدگی پسند گروپ نے خالصتان کے دارالحکومت کا اعلان کر دیا

سکھ علیحدگی پسند تنظیم سکھس فار جسٹس (SFJ) نے امریکا کی ریاست انڈیانا میں منعقدہ غیر سرکاری ریفرنڈم کے دوران شملہ کو نام نہاد “ڈیموکریٹک ریپبلک آف خالصتان” کا مجوزہ دارالحکومت قرار دیا۔ SFJ کے جنرل کاؤنسل گرپت ونت سنگھ پنوں نے ویڈیو لنک کے ذریعے خطاب کرتے ہوئے یہ اعلان کیا اور بھارتی حکومت پر سکھوں کے خلاف نسل کشی کا الزام بھی عائد کیا۔ تنظیم کے مطابق ریفرنڈم کا اگلا مرحلہ 18 اکتوبر کو کینیڈا کے صوبے البرٹا میں ہوگا۔