بانی پی ٹی آئی عمران خان کو شفا انٹرنیشنل ہسپتال میں طبی معائنے کے بعد دوبارہ اڈیالہ جیل منتقل کردیا گیا۔
عمران خان کو طبی معائنے کے لیے اڈیالہ جیل سے شفا انٹرنیشنل ہسپتال لایا گیا تھا، جہاں ڈاکٹروں نے ان کا طبی معائنہ اور ضروری ٹیسٹ کیے۔ طبی معائنے کا عمل مکمل ہونے کے بعد انہیں ہسپتال سے روانہ کردیا گیا۔
ہسپتال سے واپسی کے موقع پر سیکیورٹی کے سخت انتظامات کیے گئے اور سیکیورٹی اہلکاروں کی نگرانی میں عمران خان کو دوبارہ اڈیالہ جیل پہنچایا گیا۔
عمران خان کی ہسپتال منتقلی اور واپسی کے دوران سیکیورٹی کو خصوصی طور پر یقینی بنایا گیا، جبکہ متعلقہ حکام کی جانب سے ان کے طبی معائنے کی مزید تفصیلات فوری طور پر سامنے نہیں آئیں۔
عمران خان اس وقت اڈیالہ جیل میں قید ہیں، جہاں سے انہیں ضرورت کے مطابق طبی معائنے اور علاج کے لیے ہسپتال منتقل کیا جاتا رہا ہے۔
