پاکستان میں سونے کی قیمت میں مسلسل کمی کا سلسلہ جاری ہے، بدھ کو فی تولہ سونا 11 ہزار 300 روپے سستا ہوگیا۔
آل پاکستان جیمز اینڈ جیولرز صرافہ ایسوسی ایشن کے مطابق 24 قیراط سونے کی فی تولہ قیمت 4 لاکھ 54 ہزار 36 روپے ہوگئی، جبکہ گزشتہ روز یہ قیمت 4 لاکھ 65 ہزار 336 روپے تھی۔
اسی طرح 10 گرام سونے کی قیمت میں 9 ہزار 688 روپے کی کمی ہوئی، جس کے بعد 24 قیراط سونا 3 لاکھ 89 ہزار 262 روپے کا ہوگیا۔
عالمی مارکیٹ میں بھی سونے کی قیمت میں نمایاں کمی ریکارڈ کی گئی۔ بین الاقوامی سطح پر سونا 113 ڈالر کمی کے بعد 4 ہزار 315 ڈالر فی اونس پر آگیا۔
دوسری جانب چاندی کی قیمت میں بھی کمی ہوئی اور فی تولہ چاندی 270 روپے سستی ہوکر 6 ہزار 859 روپے کی ہوگئی۔
مارکیٹ رپورٹس کے مطابق عالمی سطح پر سونے کی قیمت میں کمی کے اثرات پاکستان کی مقامی صرافہ مارکیٹ پر بھی پڑ رہے ہیں
