پیپلز پارٹی صوبوں پر سٹینڈ لے کر زیادہ مضبوط ہوگئی ہے: رانا ثناء اللہ

وزیراعظم کے مشیر برائے سیاسی امور رانا ثنااللہ نے کہا ہے کہ صوبوں کے معاملے پر پیپلز پارٹی کو سیاسیفائدہ ہوا۔ نجی ٹی وی پروگرام میں گفتگو کرتے ہوئے انہوں نے مزید کہا کہ صوبوں کی تقسیم کے حق میں ن لیگ کی جانب سے کوئی بڑی بات سامنے نہیں آئی، صوبوں کے معاملے پر پیپلز پارٹی کو سیاسی فائدہ ہوا، کینال پراجیکٹ پر صدر زرداری نے حمایت کی، عوامی احتجاج کے بعد پراجیکٹ بند کروا دیا گیا۔وزیراعظم کے سیاسی مشیر راناثنااللہ نے کہا ہے کہ وزیراعلیٰ کے پی اپنے عہدے کا لحاظ نہ کرتے ہوئے فساد اور فتنہ تلاش کرتے پھر رہے ہیں وہ گلی گلی ڈھونڈ رہے ہیں کہ ایسا واقعہ ہو جائے کہ جس سے فتنہ فساد ہو۔ راناثنااللہ نے کہا کہ سہیل آفریدی نے خود کو اغوا کرانے کی کوشش کی اور پولیس وین میں بیٹھ گئے پولیس نے اگلے چوک پر جا کر سہیل آفریدی کو سمجھایا کہ آپ ایسا کیوں کر رہے ہیں، پولیس نے انہیںبتایا کہ ہمیں آپ کو گرفتار کرنے کا کوئی آرڈر نہیں ہے، اگلے چوک پر سہیل آفریدی اتر گئے اور اسی جگہ پر بیٹھ گئے۔راناثنااللہ نے کہا کہ سہیل آفریدی کوشش کررہے ہیں کوئی ایسا واقعہ ہو جس سے ملک کی بدنامی ہو تاہم حکومت اور پولیس کی کوشش یہی ہے کہ ان کو ایسا کوئی موقع نہ دیاجائے، سہیل آفریدی کو گرفتار کرنے کی باتیں جھوٹ ہیں اسے ڈرامہ بھی کہہ سکتے ہیں ۔سہیل آفریدی سندھ گئے تھے تو وہاں بھی یہی مقصد تھا ۔پنجاب میں بھی یہی چاہتے ہیں جس نوجوان کے گھر سہیل آفریدی گئے جو زخمی ہوگیا تھا ،انہوںنے ان کی خاطرمدارت کی ہے ۔سہیل آفریدی کو وہاں کہاگیا کہ آپ کو 17دن بعد ہمارا خیال آیا ہے ۔سہیل آفریدی کے گھر جانے پر جو بچہ ویڈیو بنا رہا تھا اس سے موبائل چھین لیا گیا۔سیاسی مشیر کا کہنا تھا کہ بانی پی ٹی آئی سے ملاقات کے حوالے سے مجھے کوئی معلومات نہیں ہے ۔پی ٹی آئی کی دوسرے درجے کی قیادت کے انتظامیہ اور ہم سے بھی رابطہ ہے۔ پی ٹی آئی کے بہت سارے دوست چاہتے ہیں کہ کوئی وائلنس نہ ہو، پی ٹی آئی کا اصل کراؤڈ پشاور ،کے پی سے آئے گا۔ یہ خود کہتے ہیں کہ کے پی میں کالعدم ٹی ٹی پی کے دہشت گرد پائے جاتے ہیں ،بعض اوقات تو یہ بھی کہتے ہیں کہ مغرب کے بعد سفر محفوظ نہیں ہوتا، یہ چاہتے ہیں کے پی سے ایک جتھہ اسلام آباد کا گھیراؤ اور حکومت گرانے کیلئے چلے، پاکستان میں فتنہ فساد برپا کرنے کیلئے دہشت گردوں کے پاس اس سے اچھا موقع کہاں ہو گا مسلح جتھہ اسلام آباد کی طرف بڑھے گا تو کس طرح وائلنس کو نظرانداز کیا جا سکتاہے۔