افغانستان یونائیٹڈ فرنٹ کے حملوں میں 102 طالبان ہلاک 48 زخمی

کابل(نیوز ایجنسیاں) افغانستان یونائیٹڈ فرنٹ کی جانب سے ستمبر کے مہینے میں طالبان رجیم کیخلاف 68کارروائیاں کی گئیں جن میں 102اہلکار ہلاک جبکہ48زخمی ہوئے۔رپورٹس کے مطابق افغانستان میں طالبان رجیم کے خلاف مزاحمتی حملوں کا دائرہ وسیع 2 ہو گیا، جہاں مختلف صوبوں میں کارروائیوں کا سلسلہ جاری ہے، اے یو ایف، این آر ایف اور این آئی ایف کی حالیہ کارروائیوں میں طالبان رجیم کے 23اہلکار ہلاک اور 15زخمی ہوئے ہیں۔ان کارروائیوں میں متعدد چوکیاں، گاڑیاں اور انٹیلی جنس مراکز بھی متاثر ہوئے، مزاحمتی گروپوں نے طالبان رجیم کے عسکری اور انٹیلی جنس ڈھانچے کے خلاف کارروائیاں جاری رکھنے کا اعلان کیا ہے۔ادھر نیشنل انڈیپنڈنس فرنٹ آف افغانستان کے مطابق مزار شریف میں طالبان انٹیلی جنس ڈائریکٹوریٹ کے ہیڈکوارٹر پر راکٹ حملہ، نائب قاری ناصر احمد سمیت 5 افراد ہلاک ہوئے، یونائیٹڈ فرنٹ آف افغانستان نے افغان علاقے زابل میں طالبان کے ابو بکر نیٹ ورک سے وابسطہ اہم سرغنہ بلال کو ہلاک کرنے کا دعویٰ کیا، بغلان کے ضلع فاریاب میں نیشنل ریزسٹنس فرنٹ کے حملے میں 3 طالبان ارکان ہلاک اور 2 زخمی ہوئے۔
طالبان ہلاک