اسلام آباد (این این آئی)صدر آزاد جموں و کشمیر ڈاکٹر محمد نجیب نقی خان نے کہا ہے کہ نئی
حکومت کو تھوڑا وقت دیں، عوامی مسائل حل ہوں گے۔ایک بیان میں ڈاکٹر محمد نجیب نقی خان نے کہا کہ پونچھ کی غیر یقینی صورتحال کا پرامن حل نکالیں گے، احتجاج کرنے والے ہمارے اپنے ہیں، مسائل کا جلد حل نکالیں گے۔انہوں نے عوام سے مخاطب ہوکر کہا کہ نئی حکومت کو تھوڑا وقت دیں، عوامی مسائل حل ہوں گے، پہلے100 دنوں میں حکومتی منصوبے عوام کے سامنے لائیں گے، عوامی مسائل کا حل اور ترقیاتی منصوبوں کی تکمیل حکومت کی ترجیح ہے۔
