سپین میں رہائشی بحران، ہزاروں افراد سڑکوں پر آگئے

میڈرڈ (این این آئی) سپین بڑھتے رہائشی بحران اور پارلیمنٹ میں حکومتی اقدامات کی منسوخی کے بعد ملک بھر میں احتجاج کی شدید لہر دوڑ گئی۔
میڈرڈ سمیت50 سے زائد شہروں میں ہزاروں شہری اپنے مطالبات کے حق میں سڑکوں پر نکل آئے’ صرف دارالحکومت میڈرڈ میں تقریبا70 ہزار سے افراد نے مظاہرے میں شرکت کی جبکہ دیگر شہروں میں احتجاجی ریلیاں نکالی گئیں۔ میڈیا رپورٹ کے مطابق شدید غصے میں سڑکوں پر موجود مظاہرین ، کرائے داروں کی تنظیموں اور لیبر یونینز نے مل کر ملک گیر ہڑتال کا اشارہ بھی دے دیا۔ ایک دو شہروں میں پولیس اور مظاہرین کے درمیان پرتشدد جھڑپیں بھی دیکھنے میں آئیں جبکہ بعض علاقوں میں خراب موسم کے باعث مظاہرے ملتوی کردیئے گئے۔ عوام کا غصہ دراصل پارلیمانی ناکامی پر ہے، جمعے کے روز پارلیمنٹ نے87 سالہ خاتون کی گھر سے بے دخلی و دیگر رہائشی مسائل سے متعلق بل کو رد کردیا تھا جس نے عوام کے غصے کو مزید بھڑکا دیا۔ سپین کے وزیراعظم سیاسی طور پر اس ناکامی کے بعد قبل از وقت انتخابات کرانے پر غور کر رہے ہیں، ان کے دفتر نے فی الحال موجودہ صورتحال پر تبصرے سے معذرت کی ہے۔