لہہ(این این آئی)غیرقانونی طورپر بھارت کے زیر قبضہ جموں وکشمیر میں لداخ خطے کے رہنمائوں نے بھارت سے آئندہ مذاکرات سے قبل
ٹھوس لائحہ عمل اورتجاویز پیش کرنے مطالبہ کیاہے۔ کشمیر میڈیا سروس کے مطابق ” لہہ ایپکس باڈی” (ایل اے بی) نے کہا ہے کہ وہ خطے کے دیرینہ سیاسی مطالبات کے حوالے سے ٹھوس تجاویز، واضح لائحہ عمل اور بروقت اقدامات کی توقع رکھتی ہے۔لہہ ایپکس باڈی اور کرگل ڈیموکریٹک الائنس (کے ڈی اے) نے اس سے قبل 9 ستمبر کو بھارتی وزارت داخلہ کے نمائندوں کے ساتھ ہونے والے اجلاس پر مایوسی کا اظہار کیا تھا اور مذاکرات کو ”بے نتیجہ” قرار دیتے ہوئے کہاتھا کہ لداخ کے اہم مطالبات پر کوئی خاطر خواہ پیش رفت نہیں ہوئی۔ایل اے بی کے چیئرمین چیرنگ دورجے لاکروک نے کہا کہ تنظیمیں اب بھی نئی دہلی کی جانب سے مذاکرات کے اگلے دور کے حوالے سے اطلاع کی منتظر ہیں۔ لاکروک نے ہفتے کے روز کہاکہ ملاقات اکتوبر کے پہلے ہفتے میں متوقع تھی لیکن ہمیں ابھی تک کوئی اطلاع نہیں ملی۔ایل اے بی کے کنوینر گیلیک پھونچوک نے کہا کہ ایل اے بی اور کے ڈی اے مجوزہ اجلاس کے منتظر ہیں۔ پھونچوک نے کہاکہ لداخ کو اب بھارتی وزارت داخلہ سے توقع ہے کہ وہ آئین کے آرٹیکل 371(K) کے تحت خطے کے لیے مخصوص آئینی تحفظ کے حوالے سے ایک تفصیلی مسودہ ہمارے سامنے رکھے گی
