گینگ ریپ کا شکار آذربائیجانی لڑکی پاکستان میں غیرقانونی رہ رہی تھی

لاہور (کرائم رپورٹر) ڈیفنس میں گینگ ریپ کا شکار ہونے کی دعویدار آذربائیجانی23 سالہ لڑکی ڈیانا باگی یے وا پاکستان میں غیر قانونی طور پر رہائش پذیر تھی۔ ڈیانا کیس میں اس کی پاکستان آمد کے حوالے سے مبینہ طور پر نئے انکشافات سامنے آنے لگے۔ پولیس ذرائع کا کہنا ہے کہ ڈیانا نے اس بات کا خود ایک میسج میں انکشاف کیا کہ میں پاکستان میں غیر قانونی طور پر رہائش پذیر اور میری مرضی جہاں رہوں، دستیاب ڈاکومنٹس کے مطابق ڈیانا کو فیصل آباد کے اس کے ایک عاشق تاجر شبیر عرف نقاش عرف ڈاکٹر نے اپنی کمپنی کے جعلی کاغذات بنوا کر اور اس میں تاجر ظاہر کرکے حکومت پاکستان سے بزنس ویزہ لینے میں مدد فراہم کی گئی۔ ڈیانا کو وزارت داخلہ نے 16 فروری 2026 ء کو ان ڈاکومنٹس کی بنیاد پر بزنس ویزہ دیا جوکہ 15 اگست 2026 کو ایکسپائر ہوچکا ہے لیکن اس کے باوجود ڈیانا تاحال پاکستان میں موجود ہے جبکہ حقیقت میں ڈیانا باکو میں نظامی سٹریٹ میں موجود نائٹ کلبز میں عیاشی کی غرض سے آنے والے پاکستانی تاجروں سے رقم کے عوض سہولت فراہم کرتی تھی۔