دنیا بھر میں کپاس کا عالمی دن 7اکتوبر کو منایا جائے گا

فیصل آباد (این این آئی) پاکستان سمیت دنیا بھر میں کپاس کا عالمی دن 7 اکتوبر کو منایا جائے گا۔
اس دن کے حوالے سے ملک بھر میں محکمہ زراعت کے زیراہتمام مختلف تقریبات کا اہتمام کیا جائے جن میں مقررین کپاس کے متعلق کاشتکاروں کو آگاہی فراہم کریں گے۔ کپاس کا عالمی دن منانے کا مقصد، کپاس کے بارے میں آگاہی پھیلانا ہے۔کپاس پاکستان کی سب سے اہم نقدآور فصل ہے اور کپاس کی برآمدات ملک کی تمام زرمبادلہ کی کمائی کا 55 فیصد ہیں۔کپاس ایک عالمی اجناس ہے جو 5 براعظموں کے 75 سے زائد ممالک میں اگائی جاتی ہے۔ پاکستان کے کسانوں نے اپنی محنت اور لگن سے ملک کو کپاس کی پیداوار میں دنیا میں سرفہرست مقام دلایا ہے۔ کپاس بہت سے دیہی چھوٹے ہولڈرز اور مزدوروں بشمول خواتین کے لیے روزی’ روٹی اور آمدنی کا ایک بڑا ذریعہ ہے جو دنیا کے غریب ترین دیہی علاقوں میں سے کچھ کو روزگار اور آمدنی فراہم کرتی ہے۔