ایرانی ریال کی قدر پھر زمین بوس، ایک ڈالر 26لاکھ 88ہزار ریال تک پہنچ گیا

تہران (این این آئی) ایرانی کرنسی ریال کی قدر میں مسلسل کمی جاری ہے اور امریکی ڈالر کے مقابلے میں یہ نئی کم ترین سطح پر پہنچ گئی ہے۔ اس صورتحال سے نمٹنے کے لیے ایران کے مرکزی بینک نے کرنسی کو سہارا دینے کی غرض سے2 ارب ڈالر تک مارکیٹ میں فراہم کرنے کا اعلان کیا ہے۔ یہ پیشرفت ایسے وقت میں ہوئی ہے جب ایران امریکی پابندیوں اور بحری ناکہ بندی کے باعث شدید معاشی دبائو کا سامنا کر رہا ہے۔ آزاد مارکیٹ میں ڈالر تقریبا 26 لاکھ88 ہزار ایرانی ریال میں فروخت ہوا، جو ایک روز قبل 26 لاکھ 32 ہزار ریال تھا۔