سندھ ٹیکنیکل بورڈ نے ڈی آئی ٹی ڈپلومہ کی رجسٹریشن کا شیڈول جاری کر دیا، 26 اکتوبر آخری تاریخ مقرر

کراچی (این این آئی) سندھ بورڈ آف ٹیکنیکل ایجوکیشن (SBTE) نے دو سالہ ڈپلومہ اِن انفارمیشن ٹیکنالوجی(DIT-II) بیچ ستمبر 2026 تا
فروری2027 ء کے لیے رجسٹریشن فارم اور فیس جمع کرانے کا شیڈول جاری کر دیا ہے۔ رجسٹرار کے جاری کردہ اعلامیے کے مطابق امیدوار نارمل فیس کے ساتھ اپنے رجسٹریشن فارم 26 اکتوبر2026 تک جمع کرا سکیں گے۔ ترجمان سندھ بورڈ آف ٹیکنیکل ایجوکیشن زوہیب احمد خان نے بتایا کہ رجسٹریشن کے لیے امیدوار کی زیادہ سے زیادہ عمر 26 اکتوبر2026 کو35 سال مقرر کی گئی ہے۔ اعلامیے کے مطابق سائنس گروپ، ٹی ایس سی یا میٹرک ٹیکنیکل میں کم از کم 33 فیصد نمبر حاصل کرنے والے امیدوار رجسٹریشن کے اہل ہوں گے۔ بورڈ حکام نے متعلقہ تعلیمی اداروں اور طلبہ کو ہدایت کی ہے کہ مقررہ تاریخ کے اندر رجسٹریشن کے مراحل مکمل کر کے کسی بھی قسم کی تاخیر سے بچا جائے۔